Norge.

Viser seg (ikkje uventa) å vere ganske bra altså! Påska er tilbakelagt, med pølser, bål, ski, sol, basar, familie og venner. No har eg flytta til moster sin fine leilighet på Nærbø,- metropolen du veit. Her går det i oppgaveskriving, jobbsøking, intervju, mat og gode venner. 

Denne bloggen tar pause no, på ubestemt tid. Hej!

Vel heime!

16.50 i går landa eg på Sola i lag med Gjermund, Ingeborg og Gunn Marit (Gunhild er og komen trygt fram til Oslo!). Turen gjekk nesten knirkefritt, me måtte berre drøye litt med å reise ut til flyplassen pga uro der, blei stoppa av militære på veg ut, og flyet frå Dakar til Paris var 1,5 time forsinka;). Det er godt å vere heime, gå i dongribukse, drikke melk, vere med familie, kjenne at det er liv i ho eg skal bli tante til om eit par mnd, og ikkje minst kunne bevege seg fritt kor ein vil utan fare. No skal eg nyte nokre dagar med fullpensjon på Kvernaland, kjøre bilen min (!), treffe venner og familie, og så skal eg til Skånevik nokre dagar og treffe meir familie, gå på ski og kose meg. Når eg kjem tilbake flyttar eg midlertidig til Nærbø, der mi snille moster har lånt meg leiligheten/hytta si i nokre månader, før eg finn ein plass å bu i Stavanger. Og så satsar eg på at eg ikkje tar for lang tid før eg har jobb!

Gunhild og eg på flyet som tok oss ut av Mali, ganske glade for å endeleg vere på veg!

Statskupp dag 7.

No nærmar det seg styggfort avreise. Kanskje. Planen no er at me tidleg i morgon reiser til den senegalesiske ambassaden, får oss visum, reiser til flyplassen, sit der til kvelden, flyr til Senegal, er der eit døgn på fint hotell, reiser til Paris natt til lørdag, og så skal eg lande på Sola lørdag formiddag. Billettalternativ nr. 7, så det har vore mykje att og fram kan du sei!


I dag har me solt oss, bada, åte pizza, skypa, dilla med billettar, sett koseleg film og no står pakking for tur. Klare for heimreis!

Ingeborg i fin stil i bassenget!

Statskupp dag 6.

Me er her ennå. Varmetida er definitivt i gang, og har markert seg med 43-44 grader i dag. Det betyr konstant svetting, sjølv i stillstand. Med vifter og AC på har me komt ned i 34 grader i stova på gjestehuset nå i kveld, deilig. Det blir heldigvis mykje kaldare på soverommet om natta, fordi det er mykje mindre.

Statskuppet tuslar og går. Andre misjonærar var innom her i dag, og kunne fortelle at Bamako oppfører seg som normalt i dag, politiet er tilbake i gatene, og dei hadde ikkje sett militære. Motstanden mot kuppmakarane er fortsatt stor både nasjonalt og internasjonalt, men det er og mange som støttar dei, og meiner at det var nødvending. Eit rykte seier at president ATT hadde etterfølgjaren sin klar til valget om ein månad, og at det i realiteten ikkje ville hjelpe med eit valg. Om det stemmer veit eg ikkje. No er det vel heller tvilsomt om det blir noko valg i heile tatt. 

Me har fått billettar til torsdag morgon, og kjem heim fredag! Hurra! Desverre kan me ikkje gire oss opp for mykje. Avreise forusetter at flyet me skal fly me torer å lande i Bamako, og at me kan komme oss trygt til flyplassen. Begge deler er forholdsvis usikkert, den som lever får sjå, men eg håpar verkeleg at me kjem oss heim nå! 

I dag har eg sprunge i trappene, løfta litt vekter, åte pizza levert på døra (namnam!), åte tigadegena (peanøttsaus med ris, nam det og), svetta i lange banar, trykt mykje på data og lest litt bok. No står seng og AC for tur. Natta er dei einaste tida på døgnet me ikkje svettar/er klamme no, så lenge strømmen er her.

Eit bilde som ikkje har nokonting med statskupp å gjere; eg og den flotte navnesøstera mi i Bafoulabe, Dian. Her på tamtamfesten ho arrangerte til ære for meg då eg reiste. (Foto: Gunhild Lygre)

Tilstandsbeskrivelse. (Spritebrus i flaska!) Ingeborg har hatt fotosession... (Foto: Ingeborg Lygre)

Statskupp dag 5.

Det begynner vel kanskje å bli litt lite spennande å lese denne bloggen. Fortsatt er det lite nytt å melde. Situasjonen er ustabil. Ryktene seier som vanleg mykje, bl.a. at det har vore/skal vere demonstrasjonar mot opprørarane i byen i kveld. Dei seier og at flyplassen er opna. Dersom det stemmer, kan det bety at me snart kan komme oss heim, men det er mange hvis før den tid. Hvis det er sant at flyplassen er opna, hvis fly torer å lande der, hvis me får billettar (billettar får me jo, men når?), hvis me kan reise trygt til flyplassen...


I dag er det 21 år sidan sist Mali opplevde eit statskupp. Eg veit lite om kva som foregjekk den gongen, men det var den nåværande presidenten, ATT, som gjennomførte kuppet. Han trakk seg fort frå makta, og det vart halde demokratisk valg. ATT vart valgt til president fleire år etter dette, og har stort sett vore ein godt likt president. Det er nok lett å få ein inntrykk av Mali i desse dagar som ikkje stemmer med det Mali eg, og mange andre kjenner. Mali har lenge vore eit av dei sterkaste demokratia i Afrika, og det har og vore eit fredeleg hjørne av Vest-Afrika. Maliarane er heldigvis eit fredeleg folk, og har lange tradisjonar for å finne fredelege løysningar på konflikter. Me håpar at det skjer no og!


Litt bilder:

Eg har rydda klenå mine inn i skapet igjen. = Mister tru på snarleg heimreis.

I dag har eg trykt masse på dataen, sett film og bada sjå Flacke.

Lei. (Med stor L faktisk).

Det går greit med meg altså, eg er berre lei. Eg var beinklar for heimreis sist onsdag. Eg skulle jo treffe familie, venner, sjå babymage, ete melkesjokolade, taco, drikke melk, søke jobb osv... I staden er eg her ennå, og med portforbud på toppen av dei heile...

Statskuppdag 4.

Det er lite å melde frå statskuppland. Tante Gunn Marit har skreve litt om utviklinga, les gjerne bloggen deira! "Fangenskapet" går nå inn i sitt 4. døgn. Galskapen vert deretter... (Kjære normisjon.no, vl.no og evt. andre medier; desse bildene treng de ikkje publisera;)

I går koste me oss i bassenget til Roar og Hildegunn, og på kvelden kom dei bort på gjestehuset for eit skal kort.

I dag har me hatt "gudstjeneste" på gjestehuset. "Menigheten" bestod av sju stykk, derav to prestar. Me sang, las i Bibelen og bad. Mange vers i Bibelen får ei litt ny meining og betydning for oss i denne situasjonen. 

"Eg har då sagt deg: Ver modig og sterk! Lat deg ikkje skremma, og mist ikkje motet. For HERREN din Gud er med deg overalt der du går."

Statskupp dag 3.

Eg skreiv at oppdatering kom når det var noko nytt å melde. Det er vel strengt tatt lite nytt å melde, men oppdatering kjem likevel. 

Det kan virke som om kuppmakarane blir stadig meir isolerte. Kuppmakarane er stort sett unge militære, og er ikkje blant dei øvste ledarane i hæren. Det internasjonale samfunnet fordømmer kuppet, og ber kuppmakarane gi frå seg makta, 10 politiske parti i Mali har skreve under på ei felles erklæring som fordømmer kuppet, og dei og ber kuppmakarane gi frå seg makta slik at ro og orden kan gjenopprettast. No seier ein radiokanal at kuppmakarane har begynt å arrestere nokre av desse politikarane...

Nokre av følgene av kuppet er bl.a. at prisar på mat og drivstoff er mangedobla sidan onsdag, og fleire har utnytta situasjonen til å plyndre. No ber både hæren (altså kuppmakarane) og dei 10 politiske partia folk om å halde seg i ro, og å la vere å plyndre, og det kan virke som om dette har hjulpe.

Me veit fortsatt ingenting om heimreis, og korleis den eventuelt kjem til å foregå. Norske myndigheter vil ha oss ut så fort som mulig, Normisjon er i kontakt med UD, og me stolar på at dei gjer det som er mest fornuftig for oss i den situasjonen me er i. 

Det er ein spesiell situasjon me er i. På mange måtar er me fanga på gjestehuset. Her er det ikkje enormt mykje å ta seg til. Heldigvis har me framleis straum, og vatnet kom og raskt tilbake. I går bada me, det blir det kanskje noko av i dag. Det er eit lite treningsrom her som kanskje blir besøkt i dag, hvis me orkar i varmen... Kortspeling, internett, lesing, film og skype er gode tidsfordriv, men det kan bli litt einsformig i lengda. Me har mat, den kan bli litt einsformig, sidan alle butikkar er stengde, men me klarar oss godt med det me har. 

Bildet er frå då kuppmakarane tok ORTM, som er eit slags malisk NRK. Bildet er (truleg) tatt frå hotellet me bada på på onsdag. Me reiste frå hotellet berre timar før dette bildet er tatt. (Bildet er lånt av www.vl.no)

Lite nytt

Det er eigentleg ikkje så mykje nytt å melde frå Mali. Statskuppet går sin gang, sakte men sikkert. Kven som er for og mot er litt uklart. Me har høyrt mindre skyting i dag, utan at det nødvendigvis betyr at situasjonen er meir stabil eller avklart. Me veit desverre like lite i dag om avreise. Det kan virke som om Air France ikkje har planar om å fly til Bamako før tirsdag/onsdag. Portforbudet gjeld nå frå 18 - 06, men me held oss inne, etter råd frå nordiske myndigheter. 


Det er i grunn ganske kjedelig å ha portforbud. I dag sneik me oss over vegen til direktør Roar og kona Hildegunn, som har basseng i hagen. Kjærkommen avveksling, og godt å kjøle seg ned litt!


Oppdatering kjem når det er noko å melde!